Армен Купциос

Армен Купциос (грчки: Άρμεν Κούπτσιος), роден Армен Купчу — андарт, член на Елиномакедонскиот комитет и учесник во Борбата за Македонија.

Армен Купциос
Роден	3 јануари 1885 Волак, Драмско
Починал	14 септември 1906 Драма

Животопис

Купциос е роден 1885 година во гагауско семејство драмското село Волак, тогаш во Османлиското Царство, (денес Волакас, Грција).

На 18 години под влијание на капетан Даис кој бил тогаш учител во Просечен, Купциос се приклучил на грчката вооружена пропаганда и зел учество во Борбата за Македонија и борбите против четите на Македонската револуционерна организација.

Во 1906 година членот на Македонската револуционерна организација, Плацев од село Скрижово заминал за Драма, а Елиномакедонскиот комитет им наредил на Купциос, Нако Војадзис (или Христос Војадзис) од Просечен и Петрос Мандзас од Палеохори да го убијат.

Тие му поставиле заседа на Плацев кај Чобанка крај Турско село (денес Милопотамос) и го убиваат. Меѓутоа истрелите биле слушнати од страна на турскиот гарнизон во Османица (Калос Агрос).

Бојадзис и Мандзас успеале да се извлечат бегајќи кон Чаталџа и Алистрати, но Купциос бил заробен. И покрај сите молби на грчкиот драмски митрополит Хрисостомос и на грчкиот конзулат во Солун, тој бил изведен пред воен суд и осуден на смрт.

По пресудата бил пренесен во Драма, каде што Елиномакедонскиот комитет направил неуспешен обид да го извлече од затворот.

На 14 септември во Драма, Купциос бил обесен. Во 1967 година грчките власти во центарот на Драма му подигнале споменик, а по неговото име е именувана и една улица во центарот на градот .