Александар Матковски
Александар Матковски (влашки: Leko Matku, Леко Матку; Крушево, 30 мај 1922 - Скопје, 15 април 1992) — прв доктор на историски науки од Македонија и прв ориенталист. Автор на познатото хералдичко дело „Грбовите на Македонија“.
| Александар Матковски | ||
| ||
| Роден | 30 мај 1922 Крушево, Македонија | |
|---|---|---|
| Починал | 15 април 1992 Скопје, Македонија | |
| Занимање | историчар | |
Живот
уредиПодолго време (до 1936 година) живеел во Гостивар, а потоа се преселил во Скопје[1]. Како член на КПЈ и учесник во НОБ (од 1941 година), бил уапсен на 2.VI.1942 и како малолетник бил осуден на 10 години строг затвор, а казната ја издржувал во Скопје, Варна и Идризово (Скопско, до 29.VII.1944)[1]. По бегството од затворот се вклучил во Петтата македонска НО бригада на НОВ и ПОМ[1]. Во затворските денови напишал многу песни на македонски јазик, зачувани во архивот на МАНУ, дел од нив и објавени по ослободувањето[1]. Завршил учителска школа 1947 година во Скопје, виша педагошка школа во 1949 во Белград, филизофски факултет (историска група) во 1951 година во Скопје, докторска дисертација на тема „Ѓурчин Кокалески (1775-1863)“ одбранил во 1957 година на загрепското Сеучилиште, завршил филолошки факултет (група ориентална филологија) во 1961 година во Белград. Добитник е на повеќе награди и признанија. Членувал во МАНУ од 1985 година.
Објавени дела
уреди
- „Ѓурчин Кокалески (1775-1865), прилог кон прашањето за создавање на селска, сточарска трговска буржоазија во Македонија“, Скопје 1957
- „Хроника на земјотресот во Скопје“, Скопје 1964
- „Грбовите на Македонија“, Скопје 1970
- „Уште една Мариовска буна (1688/89 г.)“, Скопје, 1970
- „Диетот-Крвнината“, Скопје 1973
- „Крепосништвото во Македонија“, Скопје 1978
- „Историја на Евреите во Македонија“, Скопје 1983
- „Отпорот во Македонија“, Скопје 1983
- „Македонскиот полк во Украина“, Скопје 1983