Авдолеон (315-285/6 г. п.н.е.) бил крал на Пајонија.[1] Наследник на Патрај кој владеел до 315 год. п.н.е., кога Авдолеон го наследил престолот.

Статер на Авдолеон
Сребрена тетрадрахма, од времето на кралот Авдолеон - приказ на главата на божицата Атена.
Натписна плоча на Авдолеон, од неговата статуа на кејот на реката Вардар

За него не постојат многу историски податоци и тие пред сѐ се темелат на археолошките истражувања на археолозите од Р. Македонија. За време на неговото владеење, Пајонија се ослободила од македонската врховна власт и станала независна држава. Тој настојувал да влезе во кругот на дијадосите и да игра активна улога во настаните во Македонија и пошироко. Сел активно учество во антимакедонската коалиција против Деметриј Полиоркет, кој се прогласил за крал на Македонија во 294/3 г.п.н.е. Авдолеон најмногу придонел во развојот на Пајонија и нејзинот доближување до развиениот хеленски свет и културата на државите на Александровите дијадоси. Од 289 год. п.н.е. тој ја снабдувал Атина со жито бидејќи македонскиот крал Антигон Гонат го зазел нејзиното главно пристаниште, Пиреј. Поради пројавеното пријателство, атинското народно собрание му подарило златен венец, му доделило атинско граѓанско право и му подигнала бронзена статуа на Агората. Тој имал развиено широка, разновидна но и квалитетна монетарна продукција, за што сведочат археолошките пронајдоци.

По неговата смрт бил наследен од Аристон (286-85 г. п.н.е.)

НаводиУреди

  1. Македонски историски речник. Скопје: ИНИ. 2000. стр. 11. ISBN 9989-624-46-1. На |first= му недостасува |last= (help)

ЛитератураУреди

  • Елеонора Петрова: Paeonia in the 2nd and the 1st millennia BC. Editio Monumenta Macedoniae. 3, Skopje 1999.
  • Grace H. Macurdy: Troy and Paeonia. With glimpses of ancient Balkan history and religion. New York, 1925

ПоврзаноУреди