Абдилаќим Адеми
Абдилаќим Адеми (албански: Abdilaqim Ademi; Шемшево, тетовско 20 декември 1969 - 15 февруари 2018[1]) — македонски политичар, член на ДУИ, потпретседател за спроведување на Рамковниот договор во Владата на Македонија од 2008 година[2], Министер за животна средина и просторно планирање во периодот од 28 јули 2011 до 20 јуни 2014 година и Министер за образование и наука во периодот од 20 јуни 2014 до 16 јануари 2016 година.
| Абдилаќим Адеми | |
|---|---|
| |
| Министер за животна средина и просторно планирање | |
| На должноста 28 јули 2011 – 20 јуни 2014 | |
| Премиер | Никола Груевски |
| Претходник | Неџати Јакупи |
| Наследник | Нурхан Изаири |
| Министер за образование и наука | |
| На должноста 20 јуни 2014 – 5 април 2016 | |
| Премиер | Никола Груевски Емил Димитриев |
| Претходник | Спиро Ристовски |
| Наследник | Пиштар Лутфиу |
| Лични податоци | |
| Роден(а) | 20 декември 1969 Шемшево, Тетовско,  Македонија
|
| Починал(а) | 15 февруари 2018 |
| Националност | Албанец |
| Партија | ДУИ |
Животопис
уредиАдеми е роден на 20 декември 1969 година во тетовското село Шемшево. Во 1996 година дипломирал на Политехничкиот факултет во Тирана, Албанија како инженер по металургија. Во Германија на Техничкиот Универзитет во Фрајбург стекнал обука во Институтот за градежни и стаклени материјали. Завршил и школа за млади политичари и обука за создавање политики. Од 2002 до 2006 бил пратеник во Собранието на Македонија[3] каде бил член на комисијата за Економски прашања, за финансирање и буџет, за транспорт, врски и екологија и комитетот за односи меѓу заедниците. Од 2006 до 2007 бил член на Одборот на Директори во АД „ГА-МА“ во Скопје. Во периодот 2004-2006 бил асистент во Државниот универзитет во Тетово каде предавал во предметот Анализа на градежни материјали. Член е на ДУИ од основањето во Централниот Одбор и претседател на Огранокот на ДУИ за општина Јегуновце. Бил женет и татко на еден син. Освен македонскиот и албанскиот, Адеми се служел и со италијанскиот јазик.
Наводи
уреди- ↑ Почина ексминистерот за образование, Абдилаќим Адеми
- ↑ „Интервју на Заменик претседателот на Владата на РМ Абдулаќим Адеми за МИА“. МИА. 1 јули 2009. Архивирано од изворникот на 2020-08-25. Посетено на 2009-11-12.
- ↑ „Абдилаќим Адеми“. Собрание на Република Македонија. Посетено на 2009-11-12.
Надворешни врски
уреди- Комплетен профил на Владиното мрежно место Архивирано на 29 декември 2011 г.
| Политички функции | ||
|---|---|---|
| Претходник Неџати Јакупи |
Министерство за животна средина и просторно планирање 28 јули 2011 - 20 јуни 2014 |
Наследник Нурхан Изаири |
| Претходник Спиро Ристовски |
Министер за образование и наука 20 јуни 2014 - 5 април 2016 |
Наследник Пиштар Лутфиу |