8 август

8 август — 220-иот ден во годината според грегоријанскиот календар (221-и во престапна година). Остануваат 145 денови до крајот на годината.

Слика од комплексот и околината за време на истрагата по повод Аферата Вотергејт

Настани:

1786	Мишел-Габриел Пакар и Жак Балма се првите луѓе кои го искачиле врвот Монблан.
1918	Прва светска војна: Започнала Битката кај Амјен во Франција, која била серија на континуирани победи на сојузниците во текот на 100-дневната офанзива, со кои завршила војната.
1938	Започнала изградбата на концентрациониот логор Матхаузен во Австрија, тогаш анектирана од Нацистичка Германија.
1945	Со договорот во Лондон меѓу Велика Британија, СССР, САД и Франција, основан е Меѓународниот воен суд за судење на водачите на Третиот рајх. Овој суд ќе го спроведе познатиот Нирнбершки процес.
1966	„Битлси“ го издаваат албумот „Револвер“, прогласен за трет најдобар на сите времиња според списанието Rolling Stone и за најдобар според мрежното место Rate Your Music.
1969	Советскиот Сојуз ја лансира автоматската вселенска станица Зонд-7 со задача да ја проучува Месечината и пространствата околу неа.
1974	Под притисок на јавното мислење на САД, претседателот Ричард Никсон соопшти дека на 9 август ќе поднесе оставка поради обвиненијата дека е замешан во аферата Вотергејт, која силно го погоди американскиот претседателски систем. Наместо Никсон, американски претседател стана дотогашниот потпретседател - Џералд Форд.
1976	Американската рок-група „Бостон“ го издава истоимениот албум, кој до денес е најпродаван дебитантски албум во историјата.
2001	Десет припадници на безбедносните сили на Република Македонија се убиени, а тројца се повредени во нападот што албанските терористи го извршија врз воениот конвој кај местото Карпалак на патот Скопје - Тетово.

Родени:

1748	Јохан Фридрих Гмелин — германски природонаучник.
1790	Ференц Келчеи — унгарски поет.
1809	Људевит Гај — хрватски јазичар.
1879	Емилијано Запата — мексикански револуционер.
1901	Ернест О. Лоренс — американски физичар и Нобелов лауреат.
1918	Никола Бадев — македонски пејач на народни песни.
1919	Дино де Лаурентис — италијански филмски продуцент.
1925	Алија Изетбеговиќ — претседател на Босна и Херцеговина.
1936	Илхами Емин — македонски писател.
1937	Дастин Хофман — американски глумец.
1943	Есма Реџепова — македонска пејачка.
1944	Борис Апостолов — македонски писател.
1950	Кемал Комина — македонски поет и раскажувач.
1950	Димитрије Бужаровски — македонски композитор и музиколог.
1953	Најџел Мансел — британски автомобилист, светски првак во трките на „Формула 1“.
1955	Херберт Прохаска — австриски фудбалер.
1956	Милош Шестиќ — српски и југословенски фудбалер.
1964	Клаус Ебнер — австриски писател.
1961	Неџмедин Сулејмани — член на ОНА.
1967	Бранко Брновиќ — црногорски и југословенски фудбалер.
1979	Стипе Плетикоса — хрватски фудбалски голман.
1980	Борут Божич — словенечки велосипедист.
1981	Роџер Федерер — швајцарски тенисер.
1983	Џонатан Тафра — чилеански спринт-кануист.
1987	Питер Стетина — американски велосипедист.
1991	Жоел Матип — камерунски фудбалер.
1998	Шон Мендез — канадски поп-музичар.

Починале:

117	Марко Улпиј Трајан — римски цар.
1171	Хенри Блоа — епископ на Винчестер.
1295	Отоне Висконти — архиепископ на Милано.
1879	Имануел Херман Фихте — германски филозоф.
1919	Руџеро Леонкавало — италијански композитор.
1944	Хаим Сутин — руски експресионистички сликар.
1973	Никос Захаријадис — генерален секретар на Комунистичката партија на Грција.
1974	Кирил Манчевски — македонски музичар.
1975	Кенонбол Адерли — американски џез-музичар.
1993	Димитар Кондовски — македонски сликар, член на МАНУ.
1994	Леонид Леонов — руски и советски писател.
1996	Невил Мот — британски физичар, добитник на Нобеловата награда.
2007	Душко Малевски — македонски новинар.
2015	Шон Прајс — американски рапер.
2022	Оливија Њутн-Џон — австралиска глумица и пејачка.

• јануари
• февруари
• март
• април
• мај
• јуни
• јули
• август
• септември
• октомври
• ноември
• декември