18 декември

18 декември — 352-иот ден во годината според грегоријанскиот календар (353-и во престапна година). Остануваат 13 денови до крајот на годината.

Настани:

1828	Силен земјотрес го разурна јапонскиот град Нагаока, при што загинаа 30.000 луѓе.
1958	Лансиран SCORE, првиот комуникациски сателит во орбита околу Земјата
1965	Девет африкански држави ги прекинаа дипломатските односи со Велика Британија, откако Лондон му даде поддршка на расистичкиот режим во Родезија.
1970	Во Италија е усвоен Законот за развод на бракот и покрај големото противење на Католичката црква.
1994	Поранешниот американски претседател, Џими Картер пристигна на сараевскиот аеродром, со што ја започна втората етапа од својата посредничка мисија во БиХ.
1865	Укинато е ропството во Соединетите Американски Држави.
1956	Јапонија е примена за член на Организацијата на Обединетите нации.
1941	Во Вашингтон почна конференцијата на претставниците на 26 држави - сојузнички во Втората светска војна. Беше решено на 1 јануари 1942 година да се објави декларација на сојузниците за тоа дека ќе ја продолжат војната против силите на Оската и против нивните приврзаници сè до нивната капитулација и дека нема да се склучува примирје со непријателот.
1942	Бугарската полиција ги открива и апси членовите на покраинскиот комитет на КПЈ за Македонија народните херои Мирче Ацев и Страшо Пинџур (кои подоцна на ѕверски начин се убиени). Во истата акција запленета и печатницата на ПК КПЈ за Македонија „Гоце Делчев“.

Родени:

1392	Јован VIII Палеолог — претпоследен византиски цар.
1786	Карл Марија фон Вебер — германски композитор и диригент.
1879	Паул Кле — швајцарско-германски сликар.
1913	Вили Брант — западногермански политичар, претседател на Социјалдемократската партија на Германија.
1946	Милена Зупанчич — словенечка глумица.
1963	Бред Пит — американски глумец.
1954	Улрих Рот — гитарист, еден од пионерите на неокласичниот хеви-метал.
1966	Џанлука Паљука — италијански фудбалски голман.
1969	Сантјаго Кањизарес — шпански фудбалски голман.
1968	Рикардо Питис — италијански кошаркар.
1971	Аранча Санчес Викарио — шпанска тенисерка.
1974	Вики Миљковиќ — српска пејачка.
1987	Пјотр Новаковски — полски одбојкар.
2001	Били Ајлиш — американска поп-музичарка.

Починале:

1406	Чандарли Али-паша — Голем везир на Отоманското Царство.
1829	Жан Батист Ламарк — француски природонаучник и филозоф.
1892	Ричард Овен — истакнат англиски биолог и палеонтолог.
1995	Конрад Цузе — германски научник, еден од изумителите на сметачот.
1932	Едуард Бернштајн — германски социјалдемократски теоретичар.
1945	Климе Стојоски — македонски партизан.
1975	Теодосиј Добжански — руско-американски научник.
2003	Бранко Хорват — хрватски економист.
2006	Џозеф Барбера — американски аниматор и режисер.
2008	Иван Рабузин — хрватски сликар.
2009	Оскар Данон — југословенски композитор и диригент.
2011	Вацлав Хавел — чешки писател и политичар.
2015	Слободан Чашуле — македонски новинар и политичар.
2016	За За Габор — американска глумица со унгарско потекло.
2018	Пени Маршал — американска режисерка.
2022	Тери Хол — англиски рок-музичар, член на групата The Specials

• јануари
• февруари
• март
• април
• мај
• јуни
• јули
• август
• септември
• октомври
• ноември
• декември