Свети Спиридон
Свети Спиридон е христијански светец. Тој е роден на островот Кипар, во времето на Константин Велики. Во младоста се оженил и имал деца. По смртта на неговата сопруга, тој остатокот од својот живот го посветил на Бог. Тој бил епископ на кипарскиот град Тримитунт.
| Свети Спиридон | |
|---|---|
 | |
| Тримитунтски (Ο Θαυματουργός) | |
| Роден(а) | ca. 270, Кипар |
| Починал(а) | 348, Тримитунт, Кипар |
| Почитуван(а) во | православие, Источнокатоличка црква |
| Главно светилиште | Крф |
| Слава | Источна: 12 декември Западна: 14 декември |
Свети Спиридон учествувал на Првиот вселенски собор во Никеја во 325 година, застапувајќи ја страната на Свети Александар Александриски против аријанството. Според православната традиција, тој бил облечен толку просто, што кога еднаш поканет од императорот сакал да влезе во царскиот дворец, војникот мислејќи дека е некој просјак му удрил шлаканица. Кроткиот и незлоблив Спиридон му го завртил и другиот образ[1].
Починал во 348 година. Неговите мошти се наоѓаат на островот Крф.
Наводи уреди
- ↑ „Свети Спиридон Чудотворец, епископ Тримифунтски“. Посетено на 5 јануари 2011.