Празната куќа

Празната куќа или Авантурата во празната куќа (англиски: The Adventure of the Empty House) е еден од 56-те раскази за Шерлок Холмс, напишани од шкотскиот писател Сер Артур Конан Дојл. „Празната куќа“ е еден од 13 раскази во книгата „Враќањето на Шерлок Холмс“. Јавниот притисок го натерал Конад Дојл повторно да објавува раскази со Шерлок Холмс, поточно да го оживее Шерлок Холмс по смртта на ликот во претходната книга. Самиот Конан Дојл го ставил овој расказ на шестото место на неговиот список на омилените раскази за Шерлок Холмс.

Празната куќа

Корица на првото издание на книгата „Враќањето на Шерлок Холмс“.
Автор	Сер Артур Конан Дојл
Изворен наслов	The Adventure of the Empty House
Земја	Обединето Кралство
Јазик	англиски
Серијал	Враќањето на Шерлок Холмс
Жанр	детективски расказ
Издавач	Strand Magazine
Издадена	1903
Медиум	печатено
Претходна	нема
Следна	Норвудскиот градежник

Сиже

Наспроти станот на Шерлок Холмс на Бејкер Стрит има празна куќа која гледа во станот на детективот и негова поставена восочна фигура. Фигурата била поставена како мамка за Себастијан Моран, преживеан соработник на професорот Моријарти. Во април 1894 година, Вотсон (сега веќе вдовец) оди во Парк Лејн 427 каде бил убиен младиот коцкар Роналд Адер. Вотсон налетал и се судрил со еден стар колекционер на книги, кој патем го следи до неговите простории и на крај открива дека всушност колекционерот е Шерлок Холмс. Во продолжетокот, Шерлок Холмс му објаснил на Вотсон како ја преживеал битката со професорот Моријарти, што работел до тој момент и како се снаоѓал. Понатака, двајцата продолжуваат со нивните детективски авантури.

• 
  Појавувањето на Шерлок Холмс. Џон Вотсон не може да поверува на очите.
• 
  Борбата меѓу Шерлок Холмс и професорот Моријарти. Обајцата паѓаат во долот.
• 
  Апсењето на Себастијан Моран, еден од соработниците на професорот.

Поврзано

• Враќањето на Шерлок Холмс
• Сер Артур Конан Дојл
• Шерлок Холмс
• Џон Вотсон