Обично жолтарче
| Обично жолтарче | |
|---|---|
_002.jpg)
| |
| Мажјак | |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Врапчевидни |
| Семејство: | Ѕвингалки |
| Род: | Serinus |
| Вид: | Обично жолтарче |
| Научен назив | |
| Serinus serinus (Linnaeus, 1766) | |
| |
| Распространетост: портокалово - лето; зелено - преку целата година; сино - зимување | |
Обичното жолтарче (науч. Serinus serinus) е најмал член на европската семејство ѕвингалки (Fringillidae). Се размножува низ јужна и централна Европа и северна Африка. Ја има и во Македонија. Јужните и птиците од крајбрежјето на Атлантикот се постојани жители, но оние од посеверните краишта се птици преселници што зимуваат понајуг.
Опис уреди
Обичното жолтарче е слично на обичната зеленушка, но е малку помало и пожолтеникаво. Долго е 11-12 см. Има изразен полов диморфизам, мажјаците се разликуваат од женките. Горните делови им се жолтеникави, избраздени со потемни, сиви линии. Долните делови, исто така, се избраздени со вертикални шари, бело и жолтеникаво кај мажјаците, бело и сиво кај женките. Над опашката имаат поголема жолта дамка. Кај мажјаците жолтото е поизразено, тоа е еднобојно жолто на челото, грлото и градите, а малку прошарано на главата и тилот. Кај женките сите овие делови се многу прошарани со жолто и сиво и затоа изгледаат побледо. Преку зима, кај мажјаците жолтите делови се прошаруваат, па разликата меѓу половите се намалува. Младенчињата се како женките. Клунот на оваа птица е многу мал и краток, сив како и нозете.[2]
Поведение уреди
Живеалиштето на обичното жолтарче се парковите и градините во урбаните средини,[3] како и отворениште шумски предели мешани со иглолисни дрвја. Претежно се храни со пупки и семиња, а во сезоната на парење со инсекти. Песната му е брзо чрчорење. Гнездото го прави во крошната на дрвото и несе 3-5 јајца. Вон сезоната на парење формира јата, понекогаш мешани со други видови. Многу се активни и впечатливи.
Наводи уреди
- ↑ BirdLife International (2012). „Serinus serinus“. IUCN Red List. Version 2012.1. International Union for Conservation of Nature. Посетено на 16 July 2012.
- ↑ http://www.ibercajalav.net/img/428_SerinS.serinus.pdf[мртва врска]
- ↑ http://www.sevin.ru/vertebrates/index.html?birds/666.html[мртва врска]
| „Обично жолтарче“ на Ризницата ? |
Надворешни врски уреди
- Обично жолтарче, видеа, фотографии и звуци Архивирано на 28 септември 2013 г. на Интернет збирката птици
- Возраст и пол (PDF; 4.7 MB) од Javier Blasco-Zumeta & Gerd-Michael Heinze[мртва врска]
- Обично жолтарче - фотографии