Елен Помпео
Елен Помпео (англиски: Ellen Pompeo) (родена 10 ноември 1969) е американска глумица. Досега неколкупати е номинирана за Златен глобус награда, а е добитничка на неколку SAGA награди. Елен највеќе е позната по нејзината улога како несигурната стажистка Мередит Греј во медицинската драма на АВС, Вовед во анатомија.
| Елен Помпео | |
|---|---|
 Елен Помпео | |
| Занимање | Глумица |
| Активен | 1982 - денес |
| Сопружник | Кристофер Ајвери (9 ноември 2007-денес) |
Животопис уреди
Ран живот уреди
Помпео е родена во Еверет, Масачусетс, ќерка на Јосиф, обичен продавач и Кетлин Помпео, домаќинка.[1] Помпео е од ирско и италјанско потекло и е израсната и воспитувана како католик.[2][3] Нејзиниот дедо е роден во Геусалдо, село во Италија.[се бара извор] Мајка и умрела кога Елен имала само 4 години, но татко и се премажил брзо по смрта на мајка ѝ.
Повеќе од две години, таа послужувала коктели во Мајами каде го запознава тогашното момче, модниот фотограф Ендру Розентал. Во 1996, таа работела како бармен во SoHo Bar & Grill во Њујорк, Upper West Side кога еден агент и понудил да се појавува во некои реклами. По оваа понуда, таа почнува да се појавува во реклами за Citibank и L'Oreal. Кариерата како глумица таа ја започнува со мали улоги во серии како Закон и ред и некои филмови.
Кариера уреди
Одлучна да успее во глумата, Помпео се преселува во Лос Анџелес во 2001. Сосема ненајдено во 2002 режисерот Бред Силберлинг и нуди улога во неговиот филм Moonlight Mile како љубовниот интерес на ликот на Џејк Џиленхол. По оваа улога таа добива понуда да се појавува во филмот Daredevil во улогата на секретарката на Мет Мурдок (Бен Афлек) Карен Пејџ, но поголемиот дел од нејзините сцени биле избришани поради нејасни причини. Во 2002 и 2003, Помпео се појавува во филмовите Фати ме ако можеш и Старата гарда. Како гостин улога се има појавено во две епизоди од Закон и Ред и во една епизода од Пријатели. Таа ја играше улогата на бившата девојка на ликот на Џим Кери, Наоми, во 2004 во филмот Eternal Sunshine of the Spotless Mind. Иако нејзините сцени беа избришани од филмот, таа изјави дека се чувствува доста благодарна бидејќи режисерот Мајкл Гондри ја избрал токму неа да се појавува во филмот.[4]
Првата вистинска улога на Помпео е во медицинската драма на ABC Вовед во анатомија, како Мередит Греј, хируршки стажист во една престижна болница. Како што растела популарноста на серијата така и популарноста на Помпео. Моментално серијата е во својата шеста сезона и е една од најгледаните серии во светот со огромен број на гледачи и обожаватели. Поради сета популарност и гледаност на серијата кариерата на Помпео доживува вистински пресврт. Затоа во 2007, Помепо беше номинирана за Златен глобус за најдобра глумица во драмска серија, а истата година потпиша и договор со продуцентите на Вовед во Анатомија за зголемување на нејзината плата. Со овој договор нејзината плата изнесува $200,000 за една епизода. Таа има потпишано договор за цели седум сезони.[5]
На 13 октомври 2007, Помпео беше наградена од страна на National Italian American Foundation за нејзиниот успех во забавната индустрија на гала вечер во Вашингтон[6]
Приватен живот уреди
Помпео се омажи за музичкиот продуцент Крис Ајвери на 9 ноември 2007 во Manhattan Marriage Bureau, со градоначалникот Мајкл Блумберг како нивни сведок.[7] Тие се запознаваат во 2003 кога нивни заеднички пријатели ги запознале и започнуваат врска шест месеци подоцна. Тие подоцна откриваат дека пораснале во Бостон со само 10 милји раздалеченост.[8] Тие моментално живеаат во Лос Анџелес. На 15 септември 2009 година е родено и првото дете на двојката, Стела Луна Помпео Ајвери.
Филмографија уреди
Филм уреди
| Година | Филм | Улога | Белешки |
|---|---|---|---|
| 1999 | 8 ½ x 11 | Жена од оделот за човечки ресурси | (краток филм) |
| Coming Soon | Вознемирена девојка | ||
| 2000 | Eventual Wife | Бет | (краток филм) |
| In the Weeds | Марта | ||
| 2002 | Moonlight Mile | Берти Нокс | |
| Фати ме ако можеш | Марси | ||
| 2003 | Старата гарда | Никол | |
| Daredevil | Карен Пејџ | ||
| Undermind | Флин | ||
| 2004 | Nobody's Perfect | Вероника | (краток филм) |
| Art Heist | Сандра Вокер | ||
| Eternal Sunshine of the Spotless Mind | Наоми | (сцените се избришани) | |
| 2005 | Life of the Party | Фиби Илгајн |
Телевизија уреди
| Година | Серија/филм | Улога | Епизода |
|---|---|---|---|
| 1996 | Закон и ред | Џина Вебер | Savior |
| 1999 | Strangers With Candy | Лизи Абрамс | Feather in the Storm |
| 2000 | Закон и ред | Лора Кендрик | Fools for Love |
| Get Real | Нина Ејдлер | History Lessons | |
| 2001 | The Job | Сју | Anger |
| Strong Medicine | Куиниси Дјунеи | Wednesday Night Fever | |
| 2004 | Пријатели | Миси Голдберг | The One Where the Stripper Cries |
| 2005 - | Вовед во анатомија | Мередит Греј | Сите |
Наводи уреди
- ↑ Ellen Pompeo Quietly Weds in New York - Weddings, Ellen Pompeo : People.com
- ↑ „The Inner Actor: Ellen Pompeo: strength and tenacity from a challenging early life“. Архивирано од изворникот на 2007-08-20. Посетено на 2007-08-20.
- ↑ „ELLENPOMPEO.NET - Ellen Pompeo Fansite“. Архивирано од изворникот на 2007-11-26. Посетено на 2008-08-25.
- ↑ Bochroch, Judy: "Anatomy of a Late Bloomer", Allure, December 2006
- ↑ „Ellen Pompeo: Mer-Der, she wrote | Ellen Pompeo | The Q&A | TV | Entertainment Weekly | 2“. Архивирано од изворникот на 2008-10-22. Посетено на 2008-12-30.
- ↑ „NIAF 32nd Anniversary Convention and Gala“. Архивирано од изворникот на 2007-05-23. Посетено на 2008-12-30.
- ↑ 'Grey's' Pompeo quietly ties knot in Big Apple
- ↑ „Ellen Pompeo Dishes on Her Wedding Plans - Ellen Pompeo : People.com“. Архивирано од изворникот на 2009-02-06. Посетено на 2009-01-01.
Надворешни врски уреди
- Ellen Pompeo на
Семрежната филмска база на податоци (англиски)
