Европска обединета левица - Нордиска зелена левица
Европската обединета левица - Нордиска зелена левица (ЕОЛ-НЗЛ) е политичка група во Европскиот Парламент составена од социјалистичките и комунистичките партии.[1][2][3] Од 2005 година има 41 пратеник.
Составена е од две подгрупи, Европската обединета левица (која е составена од јадро на партии кои се членки на Партијата на европската левица и од останати неповрзани левичарски партии) и од Нордиската зелената левица која е составена од партиите припаднички на Сојузот на нордиската зелената левица од Шведска и Финска.
Историја уреди
Корените на ЕОЛ-НЗЛ се од 1989 година, кога Италијанската комунистичка партија, Шпанската обединета левица, Социјалистичката народна партија од Данска и Синаспизмос од Грција основаа група наречена Европска обединета левица. Италијанската партија, по промената на партиската идеологија од еврокомунизам во социјалдемократија, ја напушти групата и се приклучи кон Партијата на европските социјалисти.
Кратко време потоа, групата се проширува со други партии и се формира како политичка група на почетокот на четвртиот мандат на Европскиот Парламент во 1994 година под името Конфедерална група на Обединетата европска левица. Во тоа време групата ја сочинуваат: Шпанската обединета левица, Француската комунистичка партија, Партијата на обновените комунисти од Италија, Португалската комунистичка партија, Комунистичката партија на Грција и Синаспизмос.
Партии членки уреди
Во моментот партии членки на ЕОЛ-НЗЛ се:
- Прогресивна партија на работниот народ (Кипар)
- Комунистичка партија на Чешка и Моравија (Чешка)
- Левичарски сојуз (Финска)
- Француска комунистичка партија (Франција)
- Левичарска партија (Германија)
- Синаспизмос (Грција)
- Комунистичка партија на Грција (Грција)
- Шин Фејн (Ирска и Британија)
- Партија на обновените комунисти (Италија)
- Партија на италијанските комунисти (Италија)
- Социјалистичка партија (Холандија)
- Португалска комунистичка партија (Португалија)
- Комунистичка партија на Словачка (Словачка)
- Обединета левица (Шпанија)
- Левичарска партија (Шведска)
Асоцијативни партии се:
- Левичарски блок (Португалија)
- Левица (Луксембург)
- Партија на социјалистичкиот сојуз (Романија)
- Народно движење против ЕУ (Данска)
Асоцијативни партии членки на ЕОЛ-НЗЛ се и две партии од земји кои не се членки на ЕУ. Тоа се:
Надворешни врски уреди
- Официјална страница на ЕОЛ-НЗЛ Архивирано на 4 мај 2009 г.
- ↑ Nordsieck, Wolfram (2019). „European Union“. Parties and Elections in Europe. Архивирано од изворникот 8 June 2017. Посетено на 30 May 2019.
- ↑ Alexander H. Trechsel (13 September 2013). Towards a Federal Europe. Taylor & Francis. стр. 72. ISBN 978-1-317-99818-1.
- ↑ Marlies Casier; Joost Jongerden (9 August 2010). Nationalisms and Politics in Turkey: Political Islam, Kemalism and the Kurdish Issue. Taylor & Francis. стр. 203. ISBN 978-0-203-84706-0.