Ариевско уверение

Ариевско уверение (германски: Ariernachweis) — документ кој сведочи дека лицето е припадник на ариевската раса. Почнувајќи од април 1933 г. овој документ станал задолжителен по закон за сите чиновници во јавниот сектор, вклучувајќи ги просветните работници.

Ариевско уверение од 1943

Родословна исправа

Родословна табела во својство на ариевско уверение

Постоеле два типа на уверение:

• „Мало ариевско уверение“ (Kleiner Ariernachweis) се добивало со поднесување на едно од следниве три:
  • седум изводи од матична книга на родените или крштеници (лицето, неговите родители и баби и дедовци) и три венчаници (од родители и баби и дедовци) или нивни заверени примероци.
  • „Родословна исправа“ (Ahnenpass),
  • „Родословна табела“ - потврден генеалошки извод (Ahnentafel) или
• „Големо ариевско уверение“ (Großer Ariernachweis) што се барало за оние што поднесувале пријавници согласно Законот за наследство на земја (Reichserbhofgesetz) и за членство во НСДАП. За добивање на документот, барателот требал да го проследи семејното потекло до 1800 г. (до 1750 г. за офицери на СС).

Правната основа на уверението бил ставот 3 (т.н. „ариевски став“) од „Законот за обнова на чиновништвото“ (Gesetz zur Wiederherstellung des Berufsbeamtentums) од 7 април 1933. Првото напатствие за негова примена, објавено на 11 април 1933 г. гласи:

За неариевци се сметаат оние што потекнуваат од неариевски, особено Еврејски, родители или баби и дедовци. Доволно е еден родител или баба/дедо да не Ариевец. Ова особено важи ако еден од родителите или баба/дедо ѝ припаѓал на еврејската вера.

Поврзано

• Евгеника
• „Уверение за германска крв“ — за мешанци (Mischlinge)

Наводи

• Eric Ehrenreich. The Nazi Ancestral Proof: Genealogy, Racial Science, and the Final Solution. Bloomington, IN: Indiana University Press, 2007. ISBN 978-0-253-34945-3