Административна поделба на Велс
Велс е поделен на 22 области наречени „главни области“ (англиски: principal areas), почнувајќи од 1996 г.[1] Со нив управуваат избрани совети, во чија надлежност се образованието, социјалата, заштитата на животната средина и највеќето патишта. Во состав на управата постојат и совети на заедниците (community councils) со надлежност врз поединечни сфери.
Монархот назначува свој лорд-намесник (Lord Lieutenant) како негов претставник во секоја од зачуваните грофовии во Велс, кои се целини со церемонијална намена.
Во април 2013 г. е најавено дека организациската поставеност на управата треба да се преработи со комисија, за да се утврди подобар начин на распределба на надлежностите.[2]
Области во Велс уреди
Велс е поделен на 22 области (principal areas), создадени во 1996 г.[3] Од нив, 11 се наречени грофовии (counties), а 11 се грофовиски реони (county boroughs), а некои од нив се градови,[4] меѓу кои и Њупорт, прогласен за град (city) во 2002 г..[5][6]
- Англси (анг. Isle of Anglesey; вел. Ynys Môn)
- Блајнај Гвент (анг. и вел. Blaenau Gwent)
- Бриџенд (анг. Bridgend; вел. Pen-y-bont ar Ogwr)
- Гвинед (анг. и вел. Gwynedd)
- Гламорганска Долина (анг. Vale of Glamorgan; вел. Bro Morgannwg)
- Денбишир (анг. Denbighshire; вел. Sir Ddinbych)
- Кардиф (анг. Cardiff; вел. Caerdydd)
- Кармартеншир (анг. Carmarthenshire; вел. Sir Gaerfyrddin)
- Карфили (анг. Caerphilly; вел. Caerffili)
- Кередигион (анг. и вел. Ceredigion)
- Конви (анг. и вел. Conwy)
- Мертир Тидвил (анг. Merthyr Tydfil; вел. Merthyr Tudful)
- Монмутшир (анг. Monmouthshire; вел. Sir Fynwy)
- Нит Порт Толбот (анг. Neath Port Talbot; вел. Castell-nedd Port Talbot)
- Њупорт (анг. Newport; вел. Casnewydd)
- Пембрукшир (анг. Pembrokeshire; вел. Sir Benfro)
- Повис (анг. и вел. Powys)
- Рексам (анг. Wrexham; вел. Wrecsam)
- Ронда Кинон Тав (анг. и вел. Rhondda Cynon Taf)
- Свонзи (анг. Swansea; вел. Abertawe)
- Торвајн (анг. Torfaen; вел. Tor-faen)
- Флинтшир (анг. Flintshire; вел. Sir y Fflint)
Градови уреди
Во земјата има вкупно шест града, покрај трите области со статус на град (заедниците Бангор, Сент Дејвидс и Сент Асаф).
Зачувани грофовии уреди
Во Велс постојат 8 зачувани грофовии (preserved counties), што имаат церемонијална намена (намесништво и сл.) а се засноваат на претходниот административен систем (1972-1996).
Историски грофовии уреди
Историските грофовии се традиционални целини во земјата кои имале значење низ вековите, како и улога на административни единици од 1889 до 1974 г.
Заедници уреди
Најмала административна единица во Велс е заедницата (community). Секоја област е поделена на вакви заедници, кои можат да имаат свои совети, со извесни надлежности на месно ниво, како и претставување на нивните подрачја во поголемите органи. Во помалите урбани места и во градовите се нарекуваат градски совети. Заедниците кои се премали за да имаат совет имаат „собор на заедницата“ (community meeting), кој функционира како непосредна демократија.
Поврзано уреди
Надворешни врски уреди
- Локална самоуправа во Обединетото Кралство (англиски)
Наводи уреди
- ↑ Local Government (Wales) Act 1994
- ↑ Можно отстранување на локалните совети во Велс со преиспитувањето, 19 април 2013 — BBC Вести, посет. 19 април 2013 г (англиски)
- ↑ Local Government (Wales) Act 1994 (1994 c. 19)
- ↑ Local Government (Wales) Act 1994, Schedule 1
- ↑ „No. 56573“. The London Gazette. 21 мај 2002. London Gazette uses unsupported parameters (help)
- ↑ „Градски совет на Њупорт“. Градски совет на Њупорт. 4 декември 2010. Архивирано од изворникот на 2010-12-09. Посетено на 5 март 2011. (англиски)
- „Светска книга на факти 2002“ — ЦИА