Џамија Гази Хусрев Бег

Џамијата Гази Хусрев Бег (турски: Gazi Hüsrev Bey Camii) е џамија која се наоѓа во Сараево, Босна и Херцеговина. Овој објект бил изграден во 1530 година, а нејзин архитект е Акем Есир Али кој исто така ја изградил џамијата Јавуз Селим во Истанбул. Нејзиното купе е високо 26 метри, а нејзиното минаре 47 метри.

Џамија Гази Хусрев Бег Begova džamija Gazi Hüsrev Bey Camii
Основни податоци
Место	Сараево, Босна и Херцеговина
Припадност	ислам
Осветен	1530
Архитектонски опис
Архитект(и)	Ајем Есир Али
Архитектонски тип	џамија
Особености
Висина на куполата (надв.)	26 метри
Минариња	1
Висина на минарето	47 метри

Во 1898 година, за време на Австроунгарското Царство, Беговата џамија, како скратено ја нарекуваат сараевчани, е прва џамија во светот во која се изработени електрични инсталации како и внатрешно електрично осветлување.

Сместена во срцето на Баш Чаршијата, Беговата џамија е мета на многубројните туристи од цел свет.

Во медиуми

Беговата џамија заедно со саат-кулата е застапена во многу филмови, пред сè во филмови од документарен карактер.

Во филмот Валтер го брани Сараево, впечатлива е 10 минутната престрелка на Пилот (Бата Живоиновиќ), Сури (Слободан Димитриевиќ) и Илегалец (Давор Антолиќ) со германски воен ескадрон кој е во интензивна потрага по Валтер. Престрелката се одвива во влезните одаи, во дворот на џамијата, на саат-кулата и по покривот на џамијата.

Галерија

• 
  Гази Хусрев-Бегова џамија со саат кулата (лево)
• 
  Дворот на џамијата
• 
  Вантрешност на џамијата
• 
  Гази Хусрев-Беговите турби
• 
  Разгледница од 1900 г.